روايـــة نفســـي اضمـــك <<< قويه مررره

اذهب الى الأسفل

روايـــة نفســـي اضمـــك <<< قويه مررره

مُساهمة من طرف ريان الرس في 26th أبريل 2010, 2:28 pm

طبعا بالبدايه راح نعرف بالشخصيات الاساسيه والفرعيه راح نتطرق لها من خلال القصه..

1/عائلة ابو حمد..
ام حمد انسانه بحالها وبعيالها مالها شغل بأحد..
حمد عمره 30متزوج من امل لكن ماله اولاد..
حلا بنت حلوه مرررره عمرها 21سنه رومنسيه والكل يحبها الا ؟؟؟؟؟
خالد عمره 18سنه..
ندى عمرها 10سنوات..


2/عائلة ابو فهد..
ام فهد امراءه قويه ومسيطره على زوجها لدرجه مايقدر يعارضها اذا قررت شي..
فهد شاب وسيم ومحترم كل البنات يتمنونه لوسامته وطيبته عمره 24سنه باقي له نصف ويتخرج..
دانه بنوته طيووووووبه ومتعلقه بأخوها فهد كثير عمرها 22سنه..
وعد اصغر من دانه لكنها مصدر الشر بالبيت وسوء الظن..
محمد رجل مستقل بنفسه وعائلته عمرها 40 ومتزوج عنده 3اطفال وزوجته اسمها مها..

<<طبعا اهم شي احب اذكره ان الأباء اخوان وكلهم ساكنين ببيت واحد كل عائله بطابق والجدير بالذكر

ان الاباء مالهم دور كبير بالقصه من الدوام للسهرات والامهات هم قايمين بالدور>>..


-قبل مانبدأ بقولكم انوا البنات مايتغشون عن الاولاد بحكم انهم متربيين مع بعض وبـ بيت واحد<<كلها قصه يعني مو حقيقيه>>

بسم الله...


((الجمزء الاول))..

حلا جالسه بغرفتها وتكتب بدفتر يومياتها شو صار معها اليوم يطق الباب

حلا/مين

دانه/انا

حلا/هلااااااااا تفضلي

دانه/شتسوين كشفتك ليش ماانتي معاهم جالسه

حلا/ماادري متضايقه قلت اجلس اكتب يومياتي احسن لي..

دانه/خليني اشوفهم ؟؟

حلا/لااااااااا حبيبتي والله مااقدر احس هالشي خاص فيني..

دانه/اوكي حبيبتي اصلا امزح معاك المهم تبين نروح نجلس معاهم؟؟

تدخل وعد /دانه شتسوين عندها بغرفتها تعالي امي تبيك..

دانه وعلامات الغضب بوجهها/طيب قوليلها جايه يالله حلا نكمل بعدين

حلا وهي تفكر بوعد ليش تكرهها هالكره/ان شاء الله..

بالجانب الثاني من المنزل...

ام فهد/دانه انا ماقلتلك لاتروحي لحلا الا بأذني؟؟

دانه/ يمه هذي بنت عمي وكلنا ببيت واحد كلما نويت اروح لها لازم اقول؟؟

ام فهد/ايه قلتلك الف مره قوليلي هذي وحده كذابه تمثل عليك الطيبه وهي بس تبي تتقرب منك
علشان فهد اخوك..

دانه/يمه وش هالتفكير خلاص بروح لغرفتي عن اذنك..
دخلت دانه لغرفتها وهي تفكر بأمه انها دايم تسئ الظن والمشكله ان وعد صارت نسخه من امها نعست ونامت
وهي تفكر ولا لقت حل...

حلا/ ماجاها النوم وتفكر بفهد لأنها ماشافته كم يوم لانه مسافر /ياربي يافهد متى ترجع والله متحمله هالدنيا علشانك..

وبنفس الوقت فهد جالس يقول/اااااه ياحلا ماادري متى ينحلن هالمشاكل واتزوجك ...

((الجزء الثاني))..
ام حمد تنادي بالشغالات علشان يحطون الفطور لانهم تاخروا...

ام فهد مو عاجبها شي كالعاده ..

المهم اجتمعوا كلهم وافطروا واللي عنده شغل راح للشغل والباقين جالسين بالصاله...

ام حمد/ياميري روحي عجلي حلا اخوها ينتظرها والحين تتأخر عن الكليه..

ام فهد/الا على طاري بنتك حلا يقولون في واحد جايكم يبي يخطبها؟؟

ام حمد/ماصار شي ولا جاء رسمي بس امه اتصلت علي وقلت يجي ويشوفه ابوها وبعدين نردلكم

ام فهد/وحلا وش رايها بالموضوع؟؟

ام حمد/للحين ماقلنا لها شي لأنه ماجاء لأبوها واولا واخيرا الراي لها..

ام فهد وهي تبي تصرف حلا بأي طريقه/ اذا كان زين ليش تفوتونه على بنتكم البنت مالها الا بيتها وزوجها..

ام حمد/يصير خيــــــــر...

دانه كان صباحها يائس لأنها ماتدري متى يرجع فهد يعني ماصار معاها شي راحت للدوام ورجعت ونامت بدون
حتى تاكل شي..

على الغداء دانه/ خالتي <<تقصد ام حمد>> حلا وينها ماشفتها اليوم..

ام حمد/من رجعت دخلت تنام وتقول ماتبي الغداء ..

دانه حست ان في شي وقبل ماتروح لغرفتها /خالتي ولاعليك امر لا قامت خليها تدق علي اجيها

ام حمد /ان شاء الله..

بالليل رجعت دانه لبيت عمها وسألت عن حلا وقالوا لها انها بغرفتها وراحت لها..
دانه/حلا ممكن ادخل؟؟

حلا /تفضلي ولوووو

دانه مستعجله/حلا شفيك صاير معك شي؟؟

حلا/ لا بس متضاااااااااااااااااااااااايقه..

دانه/من ايش تكلمي علي شي يخص فهد؟؟

حلا/ اي بفهد ماادري متى يرجع انا مستحمله حياتي انه موجود فيها صدق اني بعيده عنه بس لمااشوفه
لو لحظه باليوم هذا يكفيني..

دانه وهي تضم يد حلا /ياعمري ياحلا استحملي شوي مابقى شي وتتخرجون وتتزوجون وتتطلعون من هالبيت النكد..

حلا وعيونها مليانه دموع/دانه اقولك شي؟؟

دانه/قولي..

حلا/احس اني انا وفهد مارح نجتمع مهما سوينا

دانه/قصدك علشان امي؟؟

حلا/امك اول الاسباب وياكثر الاسباب غيرها بس هذا احساس دايم احس فيه..

دانه/لاتتشائمين وفكري بدراستك الحين ويصير خير.

حلا وهي تضم دانه/ان شاء الله..

دانه/خلاص بروح قبل امي ماتسوي لي محاضره قبل انام ولاتفكري بشي علشاني وانا راح احاول اتصل على فهد واشوف
متى راجع..

حلا وهي منحرجه/اوكي ورديلي خبر بس لايدري اني سألت..

دانه/مستحيه منه؟؟؟

حلا/ اكيد شقالولك...

دانه/اوكي باي.
عدى اليوم بسلام والكل كان مرتاح الا قلوب العشاق فهد وحلا...
بسم الله الرحمن الرحيم..

نكمل البارت الثالث والرابع..

((الجزء الثالث)).

دانه/الــــــــــــــــــــــو..

فهد/هلا والله بأختي الحلوه

دانه/هلا فيك يالقاطع وليش ماتتصل علي؟؟

فهد/والله متضايق وقلت اريح شوي وارجع..

دانه/ليش تبي تريح مني؟؟؟

فهد/لاااااا افااااااااااا عليك انتي اختي حبيبتي..

دانه/ اختك حبيبتك والا مرسال الغرام هاه؟؟

فهد/ لاااااااا افا عليك بس شعندك متذكرتني؟؟؟

دانه/بس بسألك متى ترجع؟؟

فهد/ليش تسألين صاير شي عندكم؟؟

دانه /لا بس في قلوب مشتااااااااااااااااااقه لشوفة الحبايب

فهد وبشغف/ مين حلاااااا؟؟؟؟؟؟؟؟؟

دانه/ بشويش طلعت لي من الجوال ايوه حلا من سافرت وهي متضايقه وبس
تفكر بحبيب القلب و...وبعد في شي ثاني!!!!!!

فهد/شي !!وش فيه وش صاير بعد لايكون امي قالت لحلا شي؟؟

دانه/ لااااااااااااا فكرك راح بعيد بس خايفه اقولك..

فهد/اخلصي علي وش صاير!!!

دانه/ في واحد .......

فهد /كملي والا الحين انا جايكم

دانه/انتظر شفيك السالفه ومافيها اني سمعت كلام من امي ان في واحد جاي يخطب حلا!!!!!!!!!!

فهد بعصبيه/وهي وش رايها لايكون موافقه؟؟؟

دانه/لاااا شفيك هي ماتدري للحين لأنه ماجاء بس قلت بقولك قبل يصير شي..

فهد/طيب انا اليوم جاي يالله باي.

دانه/انتظر طيب بتكلم عليك..

فهد/باي لاجيت نتفاهم..

دانه/ اوكي باي بس بشويش لاتسرع

فهد/ ان شاء الله يالله باي
............

ام حمد/حلا الحقيني لغرفتي ابيك..

حلا/ان شاء الله يمه جايه وراك..

ام حمد/ يمه بنيتي ماشاء الله انتي كبرتي وماشاء الله عليك حلوه وماشيه بدراستك وصرتي عروسه..

حلا بخوف/ وش مناسبة هالكلام يمه؟؟؟

ام حمد/ في واحد بيجي يخطبك وسمعت انه دين واخلاق ومال يعني ماناقصه شي وش قلتي..

حلا وصورة فهد بين عيونها/ لا يمه ماابي اتزوج مااااااااااابي
وانهارت تبكي وطلعت من عند امها

ام حمد انفجعت من ردت فعل بنتها وماقدرت تقول ولاااااااا كلمه واكتفت تناظر وبس..

حلا في بكااااااااااااء متواصل /وينك يافهد تشوف ويييييييييييييييييينك..

& وهي بحالة بكاء سمعت صوت عيال محمد ولد عمها يقولون

<<عمي فهد وصــــــــــــــــــــــل>>


حلا /مسحت دموعها ونفسها تروح وتضمه من كثر الحزن اللي فيها وبدون شعور طلعت الا وهو يطلع بوجهها <<بيتهم بالطابق الاول>>

لمحها فهد وحس ان بعيونها حزن كبير /حلا وش فيك صاير شي؟؟؟

حلا/اكتفت بنظره في عيونه وقالت/لا مافي شي الحمد الله على سلامتك ودخلت غرفتها وكملت نوبة البكاااااااااااء

طلع فهد على طول لدانه وبدون سلام ولا كلام /دانه روحي شوفي حلا شفيها

دانه/بسم الله من وين طلعت؟؟الحمد لله على السلامه

فهد/مو وقته روحي لحلاااااا وشوفيها شكلها تبكي..

دانه/ اوكي رايحه الله يستر..

دانه وفتحت الباب على حلا/ حلا شفيك؟؟

حلا وبدون شعور قامت وضمة دانه/في واحد يبي يخطبني وفيه كل المواصفات اللي تتمناهن اي بنت واخاف اهلي يغصبوني عليه

دانه/حلا لاتقولي كذا ان شاء الله مارح يسوون شي الا بموافقتك

حلا/بس امي لماتكلمت كانت مقتنعه وانا خايفه مااقدر اعيش مع احد غير فهد...

دانه/ انتي على طول بكيتي وانتي ماتدرين شيصير انتظري وشوفي ويالله روقي شوفي حبيب القلب وصل استانسي

حلا بحياااااااااااااء/شفته ماقدرت اسمع صوته ومااطلع اشوفه..

حلا حاولت قد ماتقدر تتناسى الموضوع وتحتفل بوصول فهد..

بالليل احتفلوا العائلتين بوصول فهد وكان احتفال حلا غيـــــــــــــــــــر بس بشوفته احتفلت..

لكن فهد طلب من اخته طلب صعـــــب ياترى شو هالطلب؟؟

اتمنى منكم توقع الحدث او الطلب اللي طلبه فهد من دانه قبل ماتبدؤون تقرؤون الجزء الرابع.....

((الجزء الرابع))..


بعد الحفله الكل اتجه لغرفته علشان يرتاح الا فهد كان مشغول بموضوع خطبة حلا..

دانه وهي رايحه تنام وتعبااااااانه حدهااااااااااا/ تصبح على خير

دانه/فهد شكلك بتنام بالصاله اليوم..

فهد/ دانه لحظه ابيك

دانه /مايتأجل لبكره تعبانه من هالحفله كأنها لي..

فهد ويسحبها مع يدها ويجلسها/مو وقت نومك صحصحي معااااااااي

دانه حست الموضوع مهم/ طيب لاتعصب شفيه؟؟

فهد/ ابغى اجلس مع حلا دقايق بس؟؟؟

دانه/شلون والله لو يدري اخوها غير يذبحك شفيك انجنيت؟؟؟

فهد/ تكفين واللي يسلم عمرك علشاني وربي بس ابي اتكلم معاها شوي..

دانه/طيب شلون؟؟؟

فهد/ انا بطلع كأني طالع اسهر مع الشباب وانتي اطلعي معاها برا للحديقه اوكي؟؟

دانه /طيب اوووووووف ماني مقتنعه واخاف تزعل؟؟

فهد/ مارح تزعل لما تعرف الكلام اللي بقول لها..

دانه /طيب بس ماتطول؟؟

فهد/ اوكي والله مااطول انا طالع واجلسي شوي بعدين اطلعي معاها..
دانه نزلت تحت وطقت الباب ...

ام حمد/ بسم الله شفيك يادانه صاير شي ..

دانه /لاخالتي بس بغيت حلا شوي..

ام حمد /تفضلي يابنتي خوفتيني يالله تصبحي على خير...

دانه / وانتي من اهله خالتي ومعليش ازعجتك..

ام حمد/لاعادي يمه ماصار شي ادخلي لها بغرفتها..

دانه تطق الباب / حلا ممكن ادخل؟؟

حلا/متى تبطلين من هالعاده ادخلي بدون بقولك لا يعني؟؟

دانه/ قومي معاي بتمشى برا ..

حلا / شصاير وش هالرومنسيه اللي نازله عليك؟؟؟

دانه/لاتتمصخرين ومو رومنسيه بس زهقانه تروحي والا اروح لحالي؟؟

حلا /لاجايه معاك..

<<طلعوا وكانوا متجهين للكراسي وكانت دانه وفهد متفقين على مكان المهم جلسوا وبعد خمس دقايق قالت دانه لحلا بروح اجيب لنا
شي ناكله بمااننا سهرانات >>...

حلا/ اوكي لاتطولي ترى اخاف لحالي..

دانه وهي رافعه صوتها /اوكي مارح اطول ومشت ..

حلا /طيب بشويش لاتقومين الجيران ههههههههههههه..
وبعد ثواني معدوده ...

فهد من وراها/ حلااااااا

حلا بذهوووووول/مين فهد؟؟

فهد/ ايوه فهد حبك..

حلا/.......

فهد/ شفيك..

حلا/ بروح انام ..

فهد ويمسكها مع يدها/ مارح تقومين واذا سمحتي انتظري لمااكمل كلامي مارح اطول..

حلا ضعفت وجلست/ نعم..

فهد/ شفيك طيب؟؟

حلا/ شلون شفيني انا وانت برا لحالنا والناس نايمه لو يقوم احد من اهلي والا اهلك وش يقولون وبالذات امك؟؟

فهد/ انا ولد عمك وراح اصير زوجك وبس ابغى اتكلم معك دقايق واروح..

حلا/ وين تصير زوجي وانت ماانت مسوي شي جالس تتفرج على الخطاب وساكت؟؟

فهد/ممكن اتكلم؟

حلا/ تفضل قول..

فهد/ انا بشوف رايك باللي جايك واذا منتي مقتنعه راح افاتح عمي بالموضوع ونملك الين ماتتخرجين ومابقى لك شي..

حلا/............

فهد/ هاه تبينه؟؟؟

حلا/.....

فهد/ شكلك مقتنعه فيه وقام بيروح.

حلا/ لحظه..

فهد/ نعم

حلا/ لاااااااااااااااااااااا ماابيه انا ماابي الا انت

فهد/ بدون شعور التفت لها وناظرها

حلا/ استوعبت انها قالت شي قوي ونزلت راسها

فهد/قولي اخر شي ماتبين ايش؟؟

حلا قامت/ خلاص بروح..

<<<<<<<<فهد بدون شعور مسكها وضمهاااااا>>>>>>>>>>>

حلا كانت بحاله ماقدرت فيها تسوي شي واكتفت بالسكوت مع انها كانت تقول بنفسها <<نفسي اضمك يافهد>>

دانه/ فهد شتسوي فضحتنا انا قلت اتكلم ..

فهد استوعب الموقف وبعد عنها وعلى طول طلع من البيت..

حلا اصابتها نوبة بكااااااااااااء هستيري من الخوف..

دانه حست بالذنب وحاولت تخفف عن حلا علشان مااحد يحس فيهم..

كل هالموقف اللي حدث كان في شخص متابع له غير الثلاثه اللي كانوا جزء من الموقف ياترى من هالشخص؟؟؟؟

مين الشخص اللي كان يناظر الموقف غير دانه وحلا وفهد تتوقعون مين؟؟؟
((الجزء الخامس))..


اللي كان المتابع لهم وعد!!!!!! وبحكم انها بالطابق الثاني فـسهل عليها انها تتابع ومااحد يحس فيها..

وعد/انا اوريك ياحلا ان ماخليتك تبكين على نفسك مااكون وعد...

نامت وعد والكل نام ماعدا حلا اللي ظلت صاحيه ومي مستوعبه اللي صار وفهد مارجع للبيت الا الصبح
وعلى طول للنوم..

في الصبااااااااااااااااااح...

قامت وعد/ يـــــــــــــــــــمه يمــــــــــــــــــــه وينك ؟؟

ام فهد/ انا هنا شتبين؟؟

وعد/عندي لك خبر يسوى مليون رياااااااااااااال..

ام فهد/ اخلصي علي شتبين؟؟

وعد/ امس شفت شي وقلت اخبرك فيه <<وبدت تحكي لها الموقف مع زيادات منها طبعا>>..

ام فهد/لااااااااااااااااااااااااااااا عاد انتي متأكده؟؟؟

وعد/ اجل اكذب عليك اذا منتي مصدقه روحي اسألي فهد...

ام فهد/ هين ياحلا ان ماخليتك تخيسين ببيت اهلك مااكون ام فهد طيب.

وعد ببتسامه/.............

ام فهد/انا بروح لفهد واشوف وش السالفه والا اقولك لا ماني رايحه اسأله انا ادبر الموضوع..

وعد/ براحتك سوي اللي تبين...

ام فهد/ وعد ياويلك تقولين السالفه لأحد فاهمه لمااتصرف انا..

وعد/اوكي يااحلى ام بالدنيا << تعليق خوش هذي احلى ام بالدنيا>>..

على الغداء حلا ماطلعت علشان ماتشوف فهد وفضلت تاكل بعد مايروحون ولما فقدتها دانه راحت لغرفتها

وجلست معها يعني ماحضروا الغداء..

*بعد الغداء واللي كان بالطابق الثاني عند ابو فهد..

ام حمد/ كثر خيركم يالله بنزل للبيت..

ام فهد/ صحه وعافيه ام حمد ولاعليك امر انتظري شوي ابغاك..

ام حمد/ هلا تفضلي ..

ام فهد/ تعالي نروح عنهم بتكلم معاك بموضوع وماابي احد يسمع..

ام حمد/ خير ان شاء الله صاير شي؟؟؟؟

ام فهد/ والله مدري شقول بس امس..........<< وقالت لها كل السالفه>>
وطلبت منها انها ماتقول لأحد حتى حلااااا...

ام حمد بحكم انها حكيمه وعاقله/ اهاااااا يصير خير ان شاء الله مع السلامه..

ام فهد بحقــــد/ الله معاك اختي وماحبيت ازعلك بس لازم يكون عندك خبر..

ام حمد/ ماصار شي مع السلامه...

*مر على الموضوع اسبوع والكل سااااااااااكت...

*ام حمد رجعت فتحت مع حلا موضوع زواجها من اللي خطبها لكنها اصرت على رايها وهددتهم بأنهم لو وافقوا راح تسوي بنفسها شي

ومع ان امها عارفه انها رفضت علشان فهد بس ماقدرت تقول لابوها واخوها تخاف انهم يسوون فيها شي..

* مر الوقت وتخرج فهد لانه كان باقي له نصف واحد لكن صار شي الكل ماكان متوقعه وبالذات حلاااااااا..

تتوقعون وش صار؟؟؟

<<تعليق ااااااااااااااه على حبك ياحلا تحطم من كيد النساء>>..
((الجـــــــزء الســـــــادس))




* مريومهم حلو لما طلعت ندى ولما بدأ اليوم الجديد اللي هو يوم حفلة ندى..


دانه/حلا شفيك مختبصه؟؟

حلا/ والله مدري احس ناقصني شي وماادري شو

دانه/ ماشاء الله عليك تجنني ياويل فهد لويشوفك..

حلا وضربتها/ وجع اعقلي احسن لك...

* بدوا البنات يجون وبدوا يحتفلون طبعا بالدور الاول عند حلا وبعد مرور وقت على بدأ الحفله...

ساره <<صديقة حلا>>// حلا حبيبتي بروح اغسل يدي في احد قدامي ؟؟

حلا وهي مندمجه ترقص مع البنات/ لا سارونه مافي احد عندك..

ساره طلعت وفجأه طلع بوجهها شاب وسيــــــــــــــم لأبعد الحدود هي تلخبطت وهو
برضوا تلخبط لانه نسى ان فيه بنات ودخل...

ساره بعد ماراحت لهم كانت مرتبكه..

حلا / شفيك؟؟؟

ساره/ طلع بوجهي واحد شكله منكم وتفشلت بس عليه جمال مو صاحي

حلا على بالها اخوها/ شلون شكله وشو لابس؟؟؟

ساره / ماادري ماقدرت اشوفه زين بس طويل ولابس ثوب ابيض وشماغ..
بس وش يجنننننننننننننن...

حلا/ بروح اشوف مي معقوله هذا حمد وخالد صغير ...

قبل لاتطلع حلا دخلت دانه للمجلس وقابلتها دانه

دانه/ حلا وين رايحه؟؟

حلا / ساره تقول في واحد طلع بوجهها وبشوف مين اللي جاي واحنا قلنا في بنات

دانه/ بقولك بس لاتزعلين..

حلا بغضب/ اكيد فهد صح؟؟؟

دانه/ اي فهد كان يدورني ومايدري ان في ناس...

*طبعا الغيره بدت تعصب بحلا لأن ساره حلوه وخافت انها اعجبته..

المهم راحوا البنات وبدوا يرتبون البيت ولما خلصوا كانت دانه تبي تطلع تنام..

دانه/ يالله تصبحين على خير...

حلا/ دانه انتظري شوي بتكلم معاك...

دانه/ بخصوص ساره وفهد؟؟

حلا/ لاتذكريني واتركيني اتكلم وبس

دانه حست انها مسألة غيره وبس/ طيب تكلمي..

حلا/ ممممممممم دانه تتوقعين اعجبته ساره؟؟؟

دانه/ لامااظن ويمكن ماشافها زين اصلا...

حلا بخوف وحياء/ طيب تسألينه؟؟؟

دانه/ اوكي بسحب منه الكلام بدون مايحس..

حلا/ اوكي..

دانه/ باي خلاص عاد تعبت

حلا/ لاتمنين علي يالله بااااي...

*طلعت دانه ولقت فهد مو نايم واستغلت الفرصه تبي تسأله..

دانه/ فهد ممكن اتكلم معاك شوي؟؟؟

فهد/ خير وش تبين اخر هالليل؟؟؟

دانه/ بتكلم معك بشي...

فهد/ تفضلي قولي...

دانه وهي رايحه تجلس عنده/ بسألك عن شي وتجاوب بصراحه..

فهد/ شو خوفتيني ...

دانه/ بدخل بالموضوع بأختصار البنت اللي قابلتها شفتها زين؟؟حلوه والالا؟؟؟

فهد وهو يبتسم/ اول قوليلي من اللي يبي يعرف انتي والا حلا؟؟؟

دانه/ شدخلك بس جاوب..

فهد/ تقولين لي مين اللي سأل والا اروح اسألها؟؟

دانه/لا والله حلوه تروح تسألها المهم هي حلا اللي بتعرف بس راح اقول لها اني ماقلتلك..

فهد/ طيب اجابتي روحي لها وقولي لها فهد يقول اسمعي هالاغنيتين

*اجمل نساءالدنيا لـ صابر الرباعي..

*لويقولوا إنتي حلوة جاوبيهم ذي قديمة ..... لو يقولوا انتي روووعة قولي أدري بس قديمة
انتي قولي مافي زيي يا هوى العمر ونسيمة ..... يالي صحرا العمر منك إرتوت يا أحلى ديمة
ضحكتك ما تشبهه إلا صوت قطرات المطر ..... كل ما إنتي كبرتي قدرك بعمري كبر
ولا رقة صوتك إللي دوم ياخذني بعيد ..... لو أسولف لك أضيع وأرجع أبدا من جديد
<<من عرفتك وأنا احبك شفت بعيونك أمان ..... إنتي كلك يالحبيبة عاجبتني من زمان
أنا أصلاً مابي غيرك وإنتي غيري ما تبين ..... ساحرتني بطيب قلبك وكثر أشواقك والحنين >>

دانه/ احلى شو هالرومنسيه ياخطير عقبال مااتزوج واحد مثل رومنسيتك ..

فهد/ شعرفك لعيون حلا كل شي يحلى فديتها..

دانه/ خلاااا ص روح نم احسنلك بروح اطمن قلوب العشاق الحين مشتعله من الغيره..

فهد/ ههههههههههه سكري الباب وراك..

دانه طلعت من غرفة فهد ودقت بجوالها على حلا/ الووووووووووووووووووو

حلا بضيقه/ نعم دانه..

دانه/ اذا انك صاحيه خلينا نطلع للحديقه شوي

حلا/ لاااا انا خبله علشان تسوين فيني زي ذاك المره؟؟

دانه/ لا وربي مااسوي شي بقولك وش رايه بساره

حلا بنرفزه / طيب بطلع والحقيني...

دانه بوناسه/ اوكي..

طلعوا برا وجلسوا ..

حلا/ خلصيني شقال لك؟؟

دانه/ كم تدفعين؟؟؟

حلا / خلصيني عاد قولي وربي ببكي من القهر ولا بعد تقول لي يجنن عمى بعينها

دانه/ هههههههههههههههههههه ياحليلك بس حرام لاتدعين عليها..
حلا ضربتها على يدها/والله مابودي بس من القهر يالله خلصيني عاد والا بدخل انام..

دانه/ ماتقدري تنامي وقلبك مشتعله غيره هههه ممممممممم يقولك اسمعي هالاغنيتين وتعرفي الاجابه...

حلا/ اللي هن؟؟؟

دانه/ اجمل نساء الدنيا

حلا / والثانيه؟؟؟

دانه/ الثانيه عاد غيـــــــــــــــــــر شكل

حلا/ خلصي والثانيه شو يلعن ام السالفه لاصارت معك..

دانه/ لاتعصبين هذي <<وبدت تقول لها كلماتها>> ويقولك ركزي على البيتين الاخيرات..


<<<<من عرفتك وأنا احبك شفت بعيونك أمان ..... إنتي كلك يالحبيبة عاجبتني من زمان
أنا أصلاً مابي غيرك وإنتي غيري ما تبين ..... ساحرتني بطيب قلبك وكثر أشواقك والحنين >>>>

حلا/ ...

دانه/ شفيك مااعجبنك؟؟؟

حلا بدلع/ الا جناااااااااااان وبالذات الثانيه ..

حلا/ ...

حلا/ دانه وربي احبه مووت...

دانه/ وربي ادري ومدري ايش تستنون للحين..

حلا/ بيدي شي ؟؟؟

دانه/ لا والله كل اللوم عليه..

حلا/ الله كريم...

دانه/ اوكي تصبحي على خير ولا تفكري بشي اللي مكتوب لكم راح تشوفونه...

حلا/ على قولتك تلقين خيــــر..

وقاموا بيدخلون للبيت..

حلا/ دانه..

دانه/ نعم..

حلا/ قولي لفهد تصبح على خير..

دانه ببتسامه/ اوكي

دانه طلعت ولقت فهد ينتظرها عند باب غرفته...

دانه تمثل الضيقه /...

فهد/ هاه شصار؟؟؟

دانه/ مدري وش اقول لك....

فهد/ دانه خلصيني تكلمي اقتنعت والا لا..

دانه/ ممممم لا للأسف..

فهد بحركه جنونيه يبي ينزل يقول لها كل شي..

دانه/ استنى شفيك انجنيت والله متأثر بالاغلام بقــــــوه..

فهد/ لازم تعرف ان مافي احد بقلبي وحياتي الا هي ..

دانه وبضحكه سمعها الكل/ ههههههههه ادخل ادخل لغرفتك الله يهديك واقولك..

فهد/ وبعد تضحكين خلصيني تكلمي..

دانه/ تقول لك تصبح على خير وقالت شي لي بس مقدر اقوله ..

فهد/هاااااااه شقالت قوليلي من رحتي شصار..

دانه/ لما قلت لها عن الاغاني سكتت وبعدين قالت << دانه والله احبه موووووت>>

فهد/ اااااه وربي وانا احبها واعشقهاااااا لحد الجنون ..

فهد/ شلون قالتها اكيد شكلها يجنن لما قالتها؟؟؟

دانه/ اكيد يجنن لأنها حلاااااااا

فهد/ ايييي والله ..

دانه/ اقول خلاص اعطيتك وجه بروح انام...

فهد/ اقلبي وجهك تمنين علي هههههه ترى امزح لاتزعلي يامرسال الغرام

دانه/ ادري مو علشان خاطري..

فهد/ يالله يالله بنام بعد احبه مووووت وي فديتها

دانه/ نم احلام سعيده وحلوووووووووه مثل حلاا هههههههههه

طلعت دانه وراحت لغرفتها وجلست تفكر بأشياء كثيره راح نكملها بالبارت القادم..


دخلت دانه لغرفتها واسترخت على الاريكه اللي بغرفتها وجلست تفكر
بوضع حلا وفهد وبعدها قالت بنفسها/ ااااااه يادانه متى تحبين وتنحبين؟؟؟
وجلست تــتحسر على نفسها لأنها بودها تحب لكن الحياه عكس اللي تبي..
وبعدين راحت تنام...

فهد بغرفته/ لازم اكلم ابوي بالموضوع خلاص انا تخرجت ومابقى لي
شي غير الوظيفه والوظيفه مضمونه بشركة ابوي..

الصبح الكل افطر ..

ابو فهد/ فهد هاه ماتروح معاي للشركه ؟؟

فهد/ لايبه والله مالي خلق اليوم ان شاء الله الاسبوع الجاي..

ابوفهد/ شلون اجل تبي تتزوج وانت كل يوم تأجل روحتك للشركه..

بهاللحظه كانت حلا معاهم بالموضوع..

فهد/ اي ابي اتزوج بس بماان الوظيفه مضمونه انتظر شوي اريح.

حلا ببالها/ مابغيت تتكلم بالموضوع..

دانه تبتسم/ ومين سعيدة الحظ؟؟؟

فهد/ مالك شغل بيني وبين ابوي اقول له..

ابوفهد/ اجل لارجعت من الشركه نتفاهم..

حلا تبي تطير من الفرحــــــــــــــــــه لأن فهد تجرأ وتكلم..

حلا/ عن اذنكم بروح للجامعه...

دانه وهي تضحك/ انتظريني علشان اروح معك...

فهد/ شرايكم اوصلكم انا؟؟؟

ام فهد/ النيه تبي تنام روح نم احسنلك..

حلا/ دانه يالله حمد ينتظرني برا..

دانه/ بس انا ماخلصت للحين؟؟؟؟

فهد/ قولوا له يروح الحين اوصلكم..

حلا راحت تقول لحمد يروح/ حمد خلاص روح دانه ماخلصت وفهد يقول
يوصلنا..

حمد/ ريحتوني فمان الله..

حلا/ فمان الله وانتبه لطريقك...

حمد/ شقالولك توني اسوق السياره؟؟

حلا/ لا حشاك بس صرت مااحبهن من حادث ندى..

حمد/ اذكري ربك فمان الله..

حلا/ لا اله الا الله فمان الله...

حلا انتظرتهم برا لما يجون وطلع فهد وكأنه ملاك لابس ثوب ابيض

وغتره بيضاء وكان لابس نظاره سوداء ومع السكسوكه والطول طالع جنااااااااااااااااااااااان

((ناظرته حلا)) نظرة اعجاب بدون ماتحس بنفسها..

فهد بأستهبال ويبي يوصل لها انه فهم نظرتها/ فيني شي غلط؟؟

حلا بحيااااااااااااا / هاااااااااا لاااااااا لا مافيك شي بس كنت سرحانه..

فهد وهو ماشي يتكلم على نفسه/ قال سرحانه يعني مو باينه نظرتك
يالله بمشيها لك..

*طلع فهد للسياره وحلا انتظرت دانه ولما طلعت دانه وركبوا السياره
وطول الطريق وحلا تناظر بالمرايه وتقول/ ياحظي فيك والله انك تسوى
الرجال كلهم وتسوى الدنيا وماعليها...

* فهد كان طاااااااااااااير من الفرحه انه بيوصل حلا واعجبته الفكره وناوي
يسويها مره ثانيه..

دانه قطعت افكارهم/ فهد قول تبي تتزوج هااااا الله يعين اللي بتاخذك..

حلا بغضب/ ............

فهد/ ليش والله اني غير اخليها اسعد انسانه..

حلا بينها وبين نفسها / والله ادري ويكفي اشوفك جنبي هذي اكبر سعاده لي..

دانه/ اقول لاتصير واثق من نفسك زياااااااااااااااااده والله غير تطفش منك..

فهد/ والله انتي اللي الله يعين اللي ياخذك على لسانك اعقلي...

دانه/ ماني عقلانه بس قول لي من البنت؟؟؟

فهد ويضربها/ مااااااااااالك شغل ..

حلا خذت جوالها وارسلت لدانه/ دانه اعقلي يامال الوجع فشلتيني..

ترن ترن < تعليق حلوه ترن نغمه خطيره بس بمشيها لنفسي> وصلت الرساله..

دانه/ وناااااااااااااااااسه مين اللي متذكرني الصبح؟؟؟

فهد/ والله حدك رساله من stc<الاتصالات> ويخب عليك

دانه/ ههههههههههههههههههههههههههههههههههههههههه

فهد/ وجع وش فيك؟؟؟

دانه/ في ناس يبوني اعقل هههههههههههههههههه

فهد فهم ورفع عيونه وناظر حلا <<طبعا متغشيه>>/ خلاص دانه اسمعي
كلامهم لأن كلامهم ذهــــــــــــــــــــــــــب...

حلا تمنت الارض تنشق وتبلعها /...........

دانه/ خلاص بسمع كلامهم علشان مايتفشلون زياده هههههههه

فهد/ هههههههههههههههههههه

حلا بنفسها/ فديت هالضحكه وربي تجننن...

* نزلوا ومن دخلت حلا للجامعه مسكت دانه وكفختها على هالاحراجات بالسياره..

* فهد وهو راجع يقول في نفسه/ ياليتك زوجتي واوصلك كل يوم وانا ماسك يدك وارجعك
وانا ماسكها اااااااااااااه ياحلا ياترى الدنيا بتجمعنا والالا.!!!

* رجع فهد للبيت ولازم تتكلم امه مايفوتها شي...

ام فهد/ ارتحت وصلتها؟؟؟

فهد/ بسم الله الرحمن الرحيم وش فيه؟؟؟

ام فهد/ بس بشوف انت ارتحت والا لا؟؟؟

فهد/ يمه قفلي ع السالفه مبغى اقول كلام يطفشك واكسب فيه ذنب..

ام فهد/ لا ماني مقفلتها لما تشيلها من راسك..

فهد/ يمـــــــــــــــــــه خلاص مارح اشيلها من راسي انسي السالفه واللي يسلم عمرك..

فهد/ خلاص بروح اناااااااااااااااااااااااااااام..

ام فهد/ روح بس لاتحط امل انك بتاخذها..

فهد بنظرة حــزن/ اللي كاتبه ربي بيصير غصب عني وعنك

مشى فهد والتفت لأمه/ سامحيني اذا غلطت عليك ماادري اقوم بعد ماانام والالا..

*ام فهد اوجعها قلبها من كلمته بس لازالت ماتبي حلا وعلى بالها انها تبي فهد علشان شركة ابوه

لأن ابو حمد يشتغل بالشركه بس هي اساسا لأبو فهد...

* دخل فهد لغرفته وكان على خده دمعه حزن على اللي يصير له هو وحلاااااااا..

وقبل ينام قال بنفسه/ الله يجمعني فيك ياحلا..

وبعدها ناااااااااااااااام وماقام الا على صوت جواله ولما شافه المتصل <<دندون>>..

فهد/ الو

دانه/ يوووووووووووه نايم معليش كنت ابيك تجيني خلصت ..

فهد/ طيب دقايق وجايك..

دانه/ لاخلاص الحين اقول لحلا تتصل على حمد..

فهد/ لا لا جايك..

طلع فهد ووصل لهم واتصل على دانه وطلعت هي وحلا...

دانه/ سلاااااااااااااااااااااااااام...

فهد بضيقه/ اهلين..

حلا حست ان فهد فيه شي لأن مو بالعاده يرد هالرد بالذات مع دانه وكانت نبرة صوته باينه...

ركبوا السياره وطول الطريق ودانه تتكلم وفهد مستمع فقط الين مارفع عيونه

وناظر الا حلا عينها بعينه حس وقتها انه بقمة حاجته لها ولما ركز نظره فيها دمعت عينه

وحست فيها حلا وبعدت نظرها علشان ماتحرجه وقالت ببالها / نفسي اضمــــك وابعد عنك
كل احزاااااااااااااااااااااانك يافهد...

وصلوا للبيت ونزلهم وراااح مع ان حلا كانت تنتظر ترجع من الجامعه على نار لأن فهد كان

بيفاتح ابوه بالزواج بس لما نزلهم وراح حزنت بس قالت ببالها اللي الله كاتبه بيصير واللي زاد

عليها انها ناظرت دمعته وماتبي تشوفه وهو مكسور قدامها...

طلعت حلا لغرفتها وهي شايله هم الدنيا فوق راسها وقالت لأمها انها ماتبي الغداء..

ام فهد/ دانه فهد اللي جابك؟؟

دانه/ اي ليش ؟؟

ام فهد/ طيب وين راح ؟؟

دانه/ مدري شكله متضايق نزلنا وراح..

ام فهد/ طيب بتصل فيه واشوف..

راحت ام فهد تتصل فيه وطلع لها/ ان الهاتف المطلوب لايمكن الاتصال به الآن..

ام فهد/ اوف يافهد حتى جوالك مقفله..

راحوا تغدوا واللي بينام نام واللي بيطلع طلع وطبعا البزارين اكيد يلعبون هالظهر بهالحر اعوذ بالله..

* فهد راح نام بأستراحته هو والشله وماكان فيها احد الا هو ومارجع للبيت الا الفجر وعلى طول نام..

* في الجزء الجاي اجمل خطوه يقدم عليها فهد لكن هل تنجح او لا؟؟؟؟
(( الجــــــــــزء الثامــــن ))
* قلنا ان فهد كان نايم الظهر بالاستراحه ومارجع الا الفجر المهم باليوم الثاني

الكل قام وافطر وراح للمدرسه او الجامعه او شغلهم وفهد قام الصبح لكنه

ماطلع يفطر وبعد ماطلعوا كلهم طلع وجلس يفتر بسيارته الين الظهر

ولما رجع الظهر اجتمعوا على الغداء وطلب فهد من ابوه وامه يجلسون لأنه
يبي يتكلم معهم بموضوع..

فهد/ يمه لو سمحتي انتي وابوي ابيكم شوي..

ام فهد/ ان شاء الله..

* راحت نادت ابو فهد وجلسوا بالصاله ودانه شكت بالموضوع وجلست تتسمع
عليهم..

ابو فهد/ خير ان شاء الله..

فهد/ من اخر الموضوع انا ابي اخطب واتزوج حالي حال هالشباب اللي بسني..

ابوفهد/ هذي الساعه المباركه تبي امك تخطب لك والا حاط ببالك عائله؟؟

ام فهد/ عندي لك وحده تقول للقمر ابعد واجلس بمكانك..

فهد/ لا امي تعرف انا من ابي..

ام فهد قامت/قلتلك هالبنت انساها احسنلك..

ابو فهد / تعوذي من ابليس من البنت؟؟

ام فهد/ .....

فهد/ حلا بنت عمي..

ابو فهد بفرحه / ابشر بعزك اليوم اقول لأبوها ومااظن انه بيرفضك..

ام فهد/ لاااااا مارح يتزوجها..

ابو فهد/ ليش؟؟؟

ام فهد/ لأنها طمعانه به تبي تاخذ اللي ورانا واللي قدامنا..

ابو فهد بعصبيه/ وش هالكلام اللي تقولينه هذي بنت اخوي وشو طمعانه بنا..

ام فهد/ الا طمعانه بفلوسك ..

فهد/ شتبي بفلوسنا ولو خطبتي وحده ثانيه ماتبي تطمع بفلوسنا؟؟

ام فهد/ لا اللي بخطبها لك ماهي طمعانه بفلوسنا..

فهد/ ياالله وانتي شدراك انها ماتبي فلوسنا؟؟؟

ام فهد/ اعرفها زين..

فهد/ المختصر انا اذا ماتزوجت حلا مارح اتزوج للأبد فهمتوا واذا ماتبون
تكلمون عمي انا بروح اكلمه لحالي..

ابو فهد/ خلاص انا بكلمه واشوف رايه..

فهد/ يالله انا طالع ..

دانه مبسوووووووووووووطه وراحت خذت جوالها/ الووووووووو حلاااااااا

حلا/ هلا شفيك بسم الله علينا ..؟؟

دانه/ عندي لك خبر ياخذ العقل عادي انزل لك؟؟؟

حلا/ اي عادي بس عجلي بشوف الخبر عن ايش..

دانه/ اوكي يالله جايتك.

* نزلت دانه لحلا وراحوا لغرفة حلا..

حلا/ ها خلصينا شو الخبر؟

دانه/ فهد فاتح امي وابوي بالموضوع..

حلا/ صـــــــــــــــــــــــــــــــدق متى؟؟

دانه/ توووووووووووه طلع من عندهم قلت اخبرك وااااااااااااي ونااااااااااسه
مابغيتوا ااااااااااه نفسي اشوف اشكالكم بالكوشه وناااااااااااااااسه..

حلا بحياء/ دانه اعقلي..

دانه/ اقول خلي العقل الحين المهم شتبين تلبسين بالملكه؟؟

حلا/ مدري مافكرت ..

دانه/ مممم البسي عشبي والا ليموني اي شي فاتح لانه يناسب بشرتك

حلا/ مدري اخليك تشاورين فهد والبس اللي يبي..

دانه/ احلـــــــــــــــــــــــــــــى مااقوى الرومنسيه هذي اضيـــــــــــــــــــــــــــع

حلا/ هههههههههههههه ..

دانه/ طيب شو تلبسين بالزواج؟؟؟

حلا/ والله مدري شرايك الواحد شو يلبس بالزواج اكيد ابيض انتي ووجهك..

دانه / عادي من صدمة الموضوع انرج تفكيري هههههههههههههاي..

حلا/ لهالدرجه كان الموضوع صعب؟؟

دانه/ لا مو صعب بس كان الموقف وفهد يقول لهم خطيـــــــــــــــــر اكشن ..

حلا/ دانه امك شرايها؟؟؟

دانه/ ...........

حلا/ قولي عادي مارح ازعل..

دانه/ بصراحه هي رافضه فكرة انك تكوني زوجة فهد بس هو قال لهم
اذا مااخذت حلا مارح اتزوج..

حلا/ الله يخليه لي ولا يحرمني منه..

دانه/ اناا اقول اليوم انا ضايعه مع الرومنسيه ههههههه

حلا/ وع شفيك ماخذه على بالكلمه خلاص مابقولك مشاعري ههههههههه

دانه/ ماتقدري ههههههههههههه

حلا/ يالثقه !!!

دانه / شعرفك هههههههه

حلا بحزن/ دانه..

دانه/ خير؟؟

حلا/ احس هالزواج مارح يتم مع اني فرحانه بس قلبي مو مرتاح..

دانه/ اوووووووف منك دايم متشأمه ليش هالكلام مو وقته ان شاء الله خير..

حلا/ ان شاء الله ..

حلا/ يالله اشوف اعطيني مقفاك بنام تعبت

دانه/ اي خذيتي من الاخبار وتبين تنامين يلعن ام الصدق احلف يمين
اذا انك ماتبين تجلسين تفكرين بحبيب القلب..

حلا وهي تطلعها من الغرفه/ وانتي شعليك فهودي وانا حره فيه بعد حتى التفكير
تبون تمنعونه عني ياااااااربي

دانه/ هههههههههههههه لافكري وخوذي راحتك سلام..

حلا/ لاتوصين حريص ههههههههههههههه ..

* طلعوا دانه وحلا ودانه نامت وحلا جلست تفكر مابين انها راح تتزوجه او لا..

انتظروا البارت التاسع

(( الجــــزء التــاسع ))

* قلنا ان ابوفهد وعد فهد انه يكلم ابوحمد بموضوع الخطبه وبالفعل نفذ وعده..

*الكل جلس ع طاولة الأكل بعد صلاة العشاء..

فهد يناظر ابوه /...

ابو فهد/ ابو حمد ياخوي بعد شوي ابيك بكلمة راس

ابو حمد/ يالله قوم ياخوي

ابو فهد/ لا يااخوي كمل عشاك بعد شوي

ابوحمد/ طيب يصير خير

* خلصوا وراح ابو فهد وابو حمد للصاله ..

ابوفهد/ بصراحه الموضوع ومافيه اني بخطب حلا لولدي فهد واتمنى انكم تردون
علينا ولاتنحرجون اذا كان ردها الرفض

ابوحمد/ هذي الساعه المباركه يااخوي وان شاء الله مارح نتأخر عليك بالرد..

*نزل ابو حمد لبيته وكان الكل ينتظره لأن كلام ابو فهد كان غريب دخل ابوحمد عليهم ..

ابوحمد/ شفيكم بسم الله ؟؟

ام حمد/ خير وش يبغى ابوفهد؟؟؟

ابو حمد وهو يناظر لحلا ويبتسم/طلب مني حلا لفهد..

حلا بذهول وبفرحــــــــــــــــــــــــــــــــــــــــه / انا؟؟

ابوحمد/ اي انتي ليش ماتبينه؟؟ اذا ماتبينه اقوله انك رافضه

حلا تلخبطت/ انا لا مدري اللي تبيه انا راضيه فيه

* قامت حلا لغرفتها وهي بقمة الاحرااااااااااج بس كانت فرحاااااااااااااااااااااانه لأن حلمها
قرب يتحقـــــــــــــــــــــــق

ام حمد كانت مستمعه فقط ومااعطت رد على الموضوع ..

حمد كان مبسوووووووووووط لأنه كان يتمنى فهد لحلا..

ابو حمد/ شفيكم مااحد اعطاني رد؟؟

ام حمد وهي قايمه/ ماعندي رد انت شاورت بنتك على طول ولا فكرت تسأل احد فينا

ابو حمد/ الموضوع صار كذا والا انا اكيد بشاوركم وللحين ماصار شي ..

ام حمد راحت لغرفتها وهي معصبه/ ......

حمد قام / هذي الساعه المباركه وان شاء الله الله يكتب لهم الخير وانا معك بأي قرار تتخذه

ابوحمد ببتسامه/ الله يقدم اللي فيه الخير.

*كل هالاحداث وحلا عايشه مع نفسها لحظات مستحيل تنساهن للأبد

حلا/ ياااااااااااه يافهد واخيرا بجلس معاك ويقولون حلا زوجة فهد ...

*بالجانب الاخر من البيت..

ام حمد/ ابو حمد انت صادق تبي تزوج بنتك لهالصايع ولد اخوك؟؟

ابوحمد/ ام حمد احترمي نفسك ليش صايع احد عمره تكلم عنه بشي؟؟

ام حمد/ ايه انا اعرف عنه اشياء اكثر منك

ابوحمد/ مثل ايش تكلمي

ام حمد/ مارح اتكلم قول لهم انك ماانت موافق وخلاص

ابوحمد/ مارح ارفض ولد اخوي وانا مااعرف الاسباب فكينا زين انا بنام وانتي فكري للصبح
متى تقولي الاسباب والا ترا انا موافق فاهمه.

ام حمد بغضب/ ....

*الكل نام الا حلا وفهد كانوا يفكرون كيف راح يكون يوم الملكه وكيف راح يكون يوم زواجهم.

*مر على الموضوع اسبوع وابوفهد ينتظر الرد وابوحمد ينتظر اسباب ام حمد..

ايوحمد/ ام حمد تبين تتكلمين والا ارد للناس صار لهم اسبوع ينتظرون؟؟

ام حمد/ اخاف اقولك ويصير بينك وبين اخوك شي

ابوحمد/ تأكدي ان مارح يصير شي بس تكلمي

ام حمد/ فهد يخونك مع بنتك.

ابوحمد جن جنونه/ شلوووووووووون تكلمي بسرعه والا بروح اذبحهم الاثنين

ام حمد/ قالت له سالفة لما فهد ضم حلا بالحديقه ((اذا مو ذاكرينها روحوا للبارت الرابع)).

ابوحمد/ اه يالنذل يافهد والله لااوريك يالكلب وبنتك شلون رضت على نفسها ترخص نفسها له؟ والله لأذبحها
واخليها تعرف شلون ترخص نفسها له

*ابو حمد وهو طالع مسكته بالموت

ام حمد/ شفيك انت بنتك تسوي هالسوايا بس هي كانت مع دانه بالحديقه وهو جاهم

ابوحمد/ طيب يافهد يصير خير.

* طلع ابوحمد لأخوه وهو معصب وحلا كانت خايفه لأنها سمعت ابوها وامها يتخانقون
وماتدري شو الموضوع

حلا/ يمه شفيه ابوي؟؟

ام حمد ماتبي تقول لها شي/ معصب على شي بالدوام روحي لغرفتك

حلا/ معقوله كل هذا من الدوام

ام حمد بعصبيه/ قلتلك روحي لغرفتك

حلا/ طيب رايحه

*دخلت للغرفه وكان قلبها حاس ان الموضوع يخصها هي وفهد بس تجاهلة احساسها

المهم///

ابوحمد/ ابو فهد ابوفهد وينك؟؟؟

ابو فهد/ تفضل شفيك يااخوي عسى ماشر؟؟؟

ابوحمد/ الشر عندنا ببيتنا كل هالسنين

ابوفهد/ خير ياابن الحلال فهمنا شفيه؟؟

*الكل تجمع بالصاله

ابوحمد/ اسأل ولدك العاقل اللي يخاف على بنت عمه؟؟

فهد بذهول/ شفيه ياعمي شسويت

ابوحمد ماسك نفسه لايضربه/ لاتقول عمي لو تعرف اني عمك ماسويت هاللي سواتك يالكلب

ابوفهد/ لاااااااااا الموضوع كبير تكلم شفيه

ابوحمد قال لهم موضوع لقاءهم بالحديقه/ هاه شرايك ياابو فهد؟

ابوفهد قام وضرب فهد كف/ ياللي ماتستحي على وجهك شلون تقرب لبنت عمك يالواطي؟؟

ام فهد مستانسه ان الخطبه بتنتهي بس ماتبيه يضرب ولدها/ ابو فهد شفيك اكيد هي اللي تبيه

والا ليش ماقالت لأحد يوقفه عن حده اذا غلط؟؟

فهد/ لا يمه انا اللي غلطت عليها وماكن بيدها شي هي بنت ومارح تقدر على شاب طول بعرض

دانه تفاجأت من الرد وبنفس الوقت اعجبها اخوها انه دافع عن حلا/ فهد قول لهم كل شي شفيك

فهد وهو طالع/ دانه اسكتي كل شي راح وحسبي الله على اللي كان السبب

ام فهد لأنها هي السبب/ ....

دانه/ لا مابسكت عمي ابو حمد حلا وفهد يحبون بعض من صغرهم ومااحد يعرف الا انا

ولو يبي يغلط معها كان ماخطبها منك ..

ابوحمد/ انتي اسكتي وبعد لك عين تقولي انا كنت اعرف

ابوحمد/ يابو فهد ترى طلبكم مو عندنا روحوا دوروا بنت غير حلا.

فهد وهو طالع سمع هالكلام ورجع قال لهم / انا احـــــــــــــــب حلا رضيتوا والا مارضيتوا

ولو مازوجتونا راح يجي يوم تجمعنا الدنيا انا وهي ولو زوجتوها غصب عنها مستحيل راح

تشيلون حبها لي من قلبها فهمتواااااااااااااا كلكم؟؟؟

* بكلام فهد كانت حلا طالعه مع الدرج لأن اصواتهم ارتفعت وتبي تشوف شو الموضوع ولما سمعت <لو مازوجتونا >داخت

وطاحت مع الدرج الكل بهالحظه سمع صوت صراخ ندى اخت حلا

ندى/ لاااااااااا حلااااااااااا شفيك

* كان اقرب واحد للدرج طبعا فهد

فهد/ ندى شفيه؟؟

ندى/ حلااااااااااااااااااااااااااا

فهد ركض بجنون ولأول مره يبان عليه حبه لحلا قدام الكل/ شفيهااااااااااااا

فهد/ حلا حلا شفيك ردي علي انا فهد؟؟

حلا قالت كم كلمه وبعدها اغمي عليها/ رفضوا يافهد رفضوا

* الكل سمع صراخ ندى لكن ماراحوا يشوفون بس ...

فهد/ حلاااااااا لااااااااااااااااااااا قومي تكفيييييييييييييييييييييين

* بهاللحظه الكل انتبه ان في شي وراحوا للدرج

فهد كان حامل حلا بين ايديه وقال لهم/ لوتموت مارح اسامحكم ولا راح تشوفوني مره ثانيه

وطلع بسيارته للمستشفى والكل كانوا وراه بسياراتهم..

دانه متفاجأه من جرأة اخوها بس تقول بنفسها خلهم يعرفوا انكم تحبون بعض/...

فهد/ حلا انا فهد تكلمي معاي تكفييييييييييين بس فتحي عيونك خليني اطمن عليك

حلا/.....

فهد ظل يبكي لما وصل للمستشفى وحملها بين ايديه ودخل يصارخ تكفون تعالوا ساعدوني

الدكتور/ خير اخوي شفيها

فهد/ طاحت مع الدرج تكفى يادكتور سو شي تكفى

الدكتور/ طيب يااخوي وين اصابتها؟؟؟

فهد/ ماادري بس سوو لها اي شي تكفــــــون

الدكتور/ ان شاء الله راح نحاول والباقي على الله

* وصلوا الباقين للمستشفى وفهد كان كل ثوبه دم من حلا وكان فهد يبكي وجالس ع الارض

*حلادخلوها للعمليات والكل ينتظر شو راح يصير...

تتوقعون راح تعيش حلا او لا ؟؟

ولو عاشت راح يغيرون رايهم ويوافقون على زواجهم؟؟

(( انتظرو البارت العــــاشر))

منقول للامانه
avatar
ريان الرس
المدير العام
المدير العام

عدد المساهمات : 184
تاريخ التسجيل : 31/03/2010
العمر : 28
الموقع : الرس

معاينة صفحة البيانات الشخصي للعضو http://ryanalrrs.forumotion.com

الرجوع الى أعلى الصفحة اذهب الى الأسفل

رد: روايـــة نفســـي اضمـــك <<< قويه مررره

مُساهمة من طرف رعشة خفوق في 19th سبتمبر 2010, 12:04 pm

يعطيك العاااااااااااااااااااااااااااااافيه
avatar
رعشة خفوق
عضو فعال
عضو فعال

عدد المساهمات : 149
تاريخ التسجيل : 19/09/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: روايـــة نفســـي اضمـــك <<< قويه مررره

مُساهمة من طرف ولـد الـريـاض<< في 19th سبتمبر 2010, 12:35 pm

مجهود رائع
avatar
ولـد الـريـاض<<
عضو فعال
عضو فعال

عدد المساهمات : 100
تاريخ التسجيل : 28/08/2010
الموقع : الـــــــــرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى