حقيقة اكتشفت انگ سخيف بطبعگ الكذاب ــ ♣ أقوى قصائد العتب ♣ ــ

*
*
*

انا زعلان منگ حيل وشايل لگ بقلبي عتاب
ــــــــ واتمنى تحملني مثل ما اتحمل عتابگ
ترى بعض الصراحة جرح وثقل ونرفزه واعصاب
ــــــــ ابي تسمع كلامي زين وتمسگ زين اعصابگ
تعاهدنا انا وانته على إنا نكون احباب
ــــــــ واحبابگ هم احبابي واحبابي هم احبابگ
وش الي غيرگ فجأه تكلم واذكر الأسباب
ــــــــ انا بسمع كلامگ زين وبسمع زين اسبابگ
رغم كل الخطاء منگ فوجهگ ما قفلت الباب
ــــــــ ويوم اخطيت في حقگ قفلت فوجهي ابوابگ
رخصت الغالي لعيونگ حنيت لخاطرگ ارقاب
ــــــــ رضيت احنيها ارقابي ولا تحنيها ارقابك
كفايه تمتحني هم وخل من ذم فيني وعاب
ــــــــ ترى من عاب في غيرگ ولو طال الزمن عابگ
ولا تفكر في يوم انساگ او يشغلني عنگ غياب
ــــــــ انا اتنفسگ اهواگ وفيگ اموت واحيابگ
انا ما شوف احد غيرگ جميل بفتنته جذاب
ــــــــ انا إعجابي فيگ اعمى يفوق اعجاب اعجابگ
انا مهما قسى قلبي بكلمه منگ احسة ذاب
ــــــــ انا من زود عشقي لگ عشقت العطر في ثيابگ
انا ياليت مغرم فيگ انا كلي فغرامگ شاب
ــــــــ احسگ جزء من روحي ولا اتحمل غيابگ
ولا قد طاب لي جرحگ ولو جرحي لذاتگ طاب
ــــــــ عجزت اقدر اشوف الدمع بل اطراف اهدابگ
ولكن كل شي إلا جزاة الصد بالترحاب
ــــــــ إذا صديت ترحابي ترى باصد ترحابگ
ولاني مرتضي ذلي ولو كان الهواء غلاب
ــــــــ إذا ماكان ترضا بي حشاء لا يمكن ارضا بگ
ولاني قادر اتحمل عشانگ غرست الأنياب
ــــــــ انا كلي غدى مجروح من غرسات انيابگ
تجافيني ولا همگ ولا تحسب لي أي حساب
ــــــــ وانا من زود عشقي لگ اصونگ واحسب حسابگ
ألآ يا قسوة الصدمة تجيني منگ الأصواب
ــــــــ وانا الي كنت اقول الجرح إذا ما صابني صابگ
أمانه قول وش بقيّت للعذال والأغراب
ــــــــ اذا هذا معي طبعگ اجل وش حال اغرابگ
تمرد كان يحلى لك تعيب فطيبتي وتغتاب
ــــــــ ولكني تراي اكبر من اني يوم اغتابگ
حقيقة اكتشفت انگ سخيف بطبعگ الكذاب
ــــــــ واني كنت لگ لعبة سخيفة تشبة العابگ
انا عيبي غبي طيب وضني فيگ والله خاب
ــــــــ ولا قد كنت اتوقع تجافي يوم اصحابگ
انا جيتگ بطيب الطيب وفيگ الطيب ابد ما جاب
ـــــــ ابي تعذرني ها القسوة لأن الطيب ما جابگ

*
*
*

من قسوتك علي جعلتها تروق لي

مشكوره
على هالقصيده
الرائعه
وتقبلي مروري